I also write in Afrikaans.

I am curious to see what the translation app does with my Afrikaans poetry. It is a challenge that might always needs a human perspective.

EXCELSIUS

Kom sam na die Beloofde Land

Waar ons reenboogligte helder brand

Los jou ego in die sand

Vat my hand

Het jy geweet dat jy Liefde is,

Die res net ‘n illusie is,

Dat vrees ‘n leuen is,

Hoor jy my?

Volg die Lig binne jou

Verby die dae, jare van rou

Leuens kan ons nie meer vashou

Die  Gees van Waarheid vul ons nou

Het jy geweet dat jy Lig is,

Swart maar net ‘n kleur is,

Dat jy reeds vry is,

Verstaan jy my?

Vinniger vibreer ons saam

Verby is pyn by kraam

Die plek kry ‘n nuwe naam

Gooi weg jou lappe, hoekom nog skaam?

Het jy geweet dat jy Vrede is,

Almal reeds in die hemel is,

Dat die ‘n speelplek is,

Glo jy my?

Hemel en Aarde is weer Een

Breek af die verlede, steen-vir-steen

Al wat is, is Nou – ek meen

Hier is net Liefde – ontvang jou seen

Het jy geweet dat ons Een is,

Elkeen ‘n Gelyke Deel is,

Dat jy Heel is,

Net soos Hy?

DEHON JOUBERT 2003